Juristja Flutura Kusari nderohet nga Gjermania me ‘Urdhrin e Meritës’

Kusari është qytetarja e parë e Kosovës që merr Urdhrin e Meritës që ndahet nga shteti gjerman.

Ky urdhër, sipas ambasadorit Rohde, iu nda Kusarit për “përkushtimin e saj për media të lira dhe demokraci në Kosovë dhe përtej”.

Sipas Gjermanisë, falë punës së saj Kusari është një prej figurave udhëheqëse në shoqërinë civile në Kosovë.

“Gjatë karrierës së saj ajo ka promovuar lirinë e shprehjes dhe mediave si parakushte thelbësore për zhvillimin demokratik në rajon dhe integrimin në Bashkimin Evropian”, tha Ambasada gjermane përmes një njoftimi.

🇩🇪 Order of Merit for @fluturakusari as 1. 🇽🇰 citizen!
Celebrating her dedication to media freedom & democracy in 🇽🇰 + beyond. Her great efforts get acknowledged by the presence of @atifetejahjaga, @ViolavonCramon, MPs & civil society. Congratulations & keep up the great work! pic.twitter.com/BlBEpZk4pF

— Ambassador Jörn Rohde (@GermanAmbKOS) March 18, 2024

“Avokimi i saj i palodhshëm përfshin mbrojtjen e lirisë së medias kundër ndërhyrjes politike, mbrojtjen e gazetarëve nga sulmet verbale dhe fizike dhe në rastet e padive SLAPP [padi strategjike kundër pjesëmarrjes publike]. Kritikat konstruktive të Kusarit dhe qasja proaktive ka bërë që ajo të ketë reputacionin e një force shtytëse për llogaridhënie brenda Qeverisë”.

Kusari, sipas Gjermanisë, përmes punës së saj vazhdimisht ngreh vetëdijen politike dhe publike sa u përket çështjeve që kanë të bëjnë me mediat.