Albanian
Croatian
English
French
German
Serbian
Turkish
Sot, 22 vjet më parë Shtetet e Bashkuara të Amerikës, u përballën me sulmin më të madh terrorist mbi territorin e tyre, shkruan GazetaDemos.
Përkrah SHBA-ve, që nga dita e parë qëndron edhe populli i Kosovës, i cili çdo vit përkujton sulmet terroriste ndaj vendit mik,duke bashkëndjerë me popullin amerikan.
Në shenjë përkujtimi të viktimave të sulmeve terrosriste të 11 shtatorit 2001, sot janë oragnizuar një sërë aktivitetesh.
Shoqata “Miqtë e Amerikës” ka organizuar mbjatjen e disa aktivitete në nderim të viktimave të sulmit terrorist në ShBA të 11 shtatorit 2001, me moton “Kosova nuk harron”.
Si kishte ndodhur ngjarja:
Me anë të avionëve të rrëmbyer grupi terrorist prej 19 vetash , 15 prej të cilëve ishin nga Arabia Saudite, dy nga Emiratet e Bashkuara Arabe, një nga Egjipti dhe një nga Libani, sulmuan caqe me rëndësi jetike për SHBA-të.
Fillimisht në orën 8:46 të mëngjesit të 11 shtatorit njëri nga avionët e rrëmbyer u përplas me kullën veriore të Qendrës Botërore të Tregtisë në Nju jork. Vetëm 17 inuta më vonë një tjetër avion pasagjerësh përlaset me kullën jugore të Qendrës Botërore të Tregtisë.
Në orën 9:17 Administrata Federale e Aviacionit kishte urdhëruar mbylljen e të gjitha aeroporteve në Neë York. Minuta më pas mbyllen edhe tunelet dhe urat e Neë York-ut.
Atë ditë presidenti amerkan i asaj kohe George W. Bush, i cili ndodhej në shtetin e Floridas, informon amerikanët se vendi po përballej me sulme terroriste. Ndërkohë, Administrata Federale e Aviacionit, kishte pezulluar të gjitha fluturimet, hera e parë në historinë amerikane, që pezullohet transporti ajror.
Në orën 9:30, një tjetër avion me pasagjerë përplaset mbi ndërtesën e Pentagonit, duke marrë jetët e qindra amerikanëve.
Në ora 10:05, kulla jugore e Qendrës Botërore të Tregtisë shembet e tëra.
Vetëm 5 minuta më vonë, avioni i linjës ajrore United Airlines më numër fluturimi 93, rrëzohet në Pensilvani.
Departamenti i shtetit dhe ai i drejtësisë evakuohën në orën 10:22, pasuar nga evakuimi i ndërtesës së Kongresit Amerikan dhe ai i Bankës Botërore.
Në orën 10:28 shembet edhe kulla veriore e Qendrës Botërore të Tregëtisë. Kullat binjake nuk ekzistonin më.
Në orën 10:45 të gjitha zyret kryesore të qeverisë federale amrikane janë evakuuar.
Në orën 11:59, agjencia ajrore United Airlines konfirmon se avioni me numër fluturimi 175, që udhëtonte nga Bostoni për në Los Angeles, ishte rrëzuar me 56 pasagjerë dhe 9 pjesëtar të ekuipazhit në bord, avion ky që ishte përplasur me kullën jugore.
Presidenti i SHBA-ve George W. Bush, mbrëmjen e 11 shtatorit 2001, i drejtohet popullit amerikan, duke thënë: “Ne po hetojmë se kush fshihet pas këtyre akteve mizore. Kam urdhëruar të gjitha organet e rendit që të gjejnë personat përgjegjës. Nuk do të bëjmë dallim midis terroristëve që kryen këto akte dhe atyre që i strehojnë ata”.
Në sulmet terroriste të 11 shtatorit 2001, humbën jetën 2,977 persona. Në kullat binjake humbën jetën 2,752 persona, mes tyre 343 zjarrfikës dhe 60 policë. Pjesa më e madhe e viktimave ishin civilë që u takonin 70 kombësive të ndryshme.
Në nëntor të vitit 2001, Shtetet e Bashkuara, me sulme të furishme, larguan lëvizjen talibane nga pushteti në Afganistan. Në Irak, ndërhyrja e Shteteve të Bashkuara rrëzoi Husseinin më 2003./GazetaDemos/