Izraeli bombardon në transmetim live televizionin shtetëror iranian

Izraeli e ka goditur selinë e televizionit shtetëror iranian, ndërsa ishte në transmetim direkt.

Pamjet nga momenti i shpërthimit janë publikuar në rrjetet sociale dhe tregojnë një shpërthim të fuqishëm që dëgjohet teksa një gazetare po fliste në transmetim të drejtpërdrejtë.

Televizioni dhe radioja shtetërore iraniane “janë në prag të zhdukjes”, tha ministri i Mbrojtjes i Izraelit, Israel Katz, raporton BBC.

“Megafoni i propagandës dhe nxitjes iraniane është në prag të zhdukjes. Evakuimi i banorëve përreth ka filluar”, shtoi ai, duke iu referuar urdhrit për evakuim të lëshuar më herët për pjesë të Distriktit 3 të Teheranit.

Selia qendrore e transmetuesit shtetëror iranian, IRIB, ndodhet brenda zonës së evakuimit.

⚡️🚨🚨 Israel bombs the Iranian Television:

Initial moments of the attack on the broadcasting authority during live transmission

Israeli Terrorism on live TV – The proud national staff refused to leave and continued coverage , knowing that they will get bombed. pic.twitter.com/CGjI43MV7n— Middle East Observer (@ME_Observer_) June 16, 2025