Istogu: Nëse dënohen çlirimtarët në Hagë, do të cenohet edhe pavarësia e vendit

Raif Istogu, njëri nga organizatorët e protestës në Hagë, ka thënë se pret që të dielën do t’i tregojnë botës për padrejtësitë që po i bëhen kosovarëve.

Istogu, në Info Magazine në Klan Kosova, tha se në rast se ndodh që ish-krerët e Ushtrisë Çlirimtare të Kosovës që po gjykohen në Hagë të dënohen atëherë sipas tij do të cenohet edhe pavarësia e vendit.

“Shkaku kryesor që ne kemi vendosur të organizojnë një protestë në Hagë është se kemi parë që po tentohet të dënohet Ushtria Çlirimtare të Kosovës dhe liria jonë, ne e kemi frikën se në raste që dënohen çlirimtarët që na sollën lirinë atëherë do të na cenohet edhe pavarësia e vendit”.

“Se janë po të njëjtit njerëz që dhanë shumë dhe sollën Pavarësinë e Kosovës. Është shumë e padrejtë e gjithë kjo që po i bëhet popullit të Kosovës dhe jo vetëm atyre që po gjykohen atje” u shpreh Istogu.