Ish-presidenti serb thotë se në kohën e tij s’do të mund të mbylleshin qendrat sociale

Ish-presidenti i Serbisë, Boris Tadić, ka komentuar aksionin e fundit të institucioneve të sigurisë së Kosovës në veri, i cili çoi në mbylljen e disa qendrave sociale paralele.

Ai ka thënë se këto aksione s’janë të vetmet, por janë vazhdimësi.

Tadiq ka shkruar se “nëse mbahet në mend”, kur diçka e tillë të ketë ndodhur ose që Policia e Kosovës t’i ishte afruar Veriut të Republikës së Kosovës gjatë kohës kur kishte qenë president.

“Policia e Kosovës sot po mbyll qendrat për punë sociale në veri të Kosovës. Dhe nuk është lajm i fundit, është një nga një seri lajmesh sot. A e dini kur gjatë mandatit tim mund të mbyllen qendrat e punës sociale atje dhe kur policia e Kosovës mund të afrohet edhe në veri të Kosovës? KURRË!”, ka shkruar ai në X.