Ish-diplomati serb akuzon BE-në: Qëllim i Brukselit t’ia imponojë Serbisë të “ashtuquajturën Kosovë”

Ish-diplomati serb Zoran Millivojeviq në një intervistë për portalin serb “Kosovoonline” thotë se është dërguar një mesazh i qartë për Serbinë dhe se ajo nuk duhet të ketë iluzione se qëllimet e Brukselit, BE-së dhe të Kosovës janë në esencë të njëjta.

“Në plan të parë është përpjekja për të konfirmuar shtetësinë e Kosovës dhe për ta imponuar atë, “pavarësisht nga të gjitha standardet dhe normat”. Pra, kur është fjala për liberalizimin e vizave, por edhe për çdo gjë tjetër që i ofrohet dhe miratohet Kosovës, është e gjitha në vijën e përpjekjes për ta “ringjallur” projektin e Kosovës së pavarur dhe për të imponuar këtë, qoftë edhe me dhunë dhe “përtej të gjithë atyre vlerave” mbi të cilat mbështetet BE-ja, të paktën “deklarativisht”, pretendon Millivojeviq.

Ai ka shtuar se është e qartë se BE-ja “zbaton standarde të dyfishta, përtej normave të veta”.

“Mendoj se Serbia nuk ka më absolutisht asnjë iluzion. Prandaj është edhe insistimi i Serbisë për Asociacionin. Këtë e ka nxjerrë në plan të parë dhe paraqet kusht pa të cilin nuk ka vazhdim të negociatave, pavarësisht “vullnetit të mirë dhe konstruktivitetit të Serbisë për të kërkuar një zgjidhje kompromisi dhe për të ruajtur paqen dhe stabilitetin”, ka pretenduar Millivojeviq.

Ai gjithashtu ka thënë se BE-ja shfrytëzon çdo mundësi për “të mohuar pretendimet e veta për ekzistimin e vullnetit të mirë dhe synimeve të sinqerta për zgjidhjen e “problemit në Kosovë”.

“Dhënia e liberalizimit të vizave për Kosovën në fakt konfirmon atë që ne po përballemi tani, që është presioni ndaj Serbisë që me çdo kusht të imponojë një zgjidhje sipas këtij plani evropian, që natyrisht nuk i përgjigjet Serbisë, sepse kjo shkon në drejtim të konfirmimit të shtetësisë së Kosovës”, thotë ish-diplomati serb.

Ai pretenduar se “është indikative që vendosja e liberalizimit të vizave lidhet me 1 janarin e vitit 2024, kur BE-ja ka përcaktuar zgjidhjen përfundimtare të marrëdhënieve në mes Kosovës dhe Serbisë, në një mënyrë që korrespondon me qëllimet strategjike të Kosovës dhe qendrave perëndimore.

“Tani shohim se aplikimi i të “ashtuquajturës Kosovë” për anëtarësim në BE, Këshill të Evropës dhe përpjekja që kjo të përfundojë nuk është rastësi”, përfundon Millivojeviq.