IPK në aksion, arrestohen tre qytetarë dhe një zyrtar policor, dy eprorë suspendohen nga puna

Gjatë ditës së djeshme Inspektorati Policor i Kosovës respektivisht Departamenti i Hetimeve, është informuar se  në ambiente të Stacionit Policor Dragash, deri sa policia e kishte sjellë  një të dyshuar në stacionin policor, policia dhe i dyshuari ishin sulmuar nga disa persona.

Po ashtu është bërë e ditur se së bashku me qytetarët që  kanë sulmuar të dyshuarin me të cilin kanë pasur konflikt ka qenë edhe një zyrtar policor.

Lidhur më ketë IPK menjëherë ka dalë në vendngjarje dhe ka intervistuar palët, është  njoftuar Prokurori Kujdestar (P.TH Prizren) dhe me urdhër të Prokurorit pas intervistimit janë  ndaluar katër të dyshuar (Një pjesëtarë i PK-së me gradë zyrtar policor i ri dhe tre persona tjerë civil).

Gjithashtu është bërë e ditur se lidhur me këtë rast, për menaxhim të dobët të rastit dhe dështim në ofrimin e sigurisë së të dyshuarit, me rekomandim të IPK-së janë suspenduar një Toger Policor-Shefi i Hetimeve të Stacionit dhe një Rreshter Policor-Shef i ndërrimit.