Interi tallet me Barcelonën: 120 minuta në San Siro janë shumë të gjatë

Interi, me të drejtë, po e shijonte në maksimum festën pasi përmbysi Barcelonën në kohën shtesë të gjysmëfinales së Ligës së Kampionëve në Giuseppe Meazza.

Nerazzurrët përdorën gjithashtu një shprehje që me gjasë i ka kënaqur tifozët e Real Madridit dhe u hodhi edhe më shumë kripë plagëve të Barcelonës.

“90 minuta në Bernabeu janë shumë të gjata” është një shprehje që përdoret shumë nga tifozët e Real Madridit.

Ajo i referohet aftësisë së Real Madridit për të përmbysur ndeshjet, veçanërisht në Evropë, dhe u përmend në vitin 1986 pasi Los Blancos ishin mundur nga Interi 2-0 në Itali. Real Madridi do ta fitonte ndeshjen e kthimit 3-0 në Bernabeu.

Interi publikoi në Twitter/X pas ndeshjes – dhe në mënyrë të veçantë në spanjisht – “120 minuta në San Siro duken shumë të gjata”. Një frazë që me gjasë është pritur me hidhërim në Katalonjë dhe me gëzim në kryeqytetin spanjoll.