Infektologu Ramadani: AstraZeneca është vaksinë shumë e mire, efikase aq sa Pfizer

Infektologu, Hamdi Ramadani u ka rekomanduar qytetarëve që të marrin vaksinën AstraZeneca.

Duke folur për hezitimin e qytetarëve për t’u vaksinuar me këtë vaksinë, ai ka thënë se ajo është efikase aq sa vaksina e Pfizer.

“Vaksimi ka filluar sa e sa muaj edhe tek ne dhe në vendet tjera. Mund të them se vaksina e cila është duke u dhënë në disa vende, pra AstraZeneca, është ndër më të mirat, më të dokumentuarat deri më sot me veprimet e imuzimit të Covid-19. Unë personalisht kam qenë ndër të parët që kam marrë edhe dozën e parë dhe atë të dytë të vaksinës AstraZeneca dhe mund të them se bazuar në hulumtimet e bëra të mjekëve të njohur të Koresë Jugore, vetëm një dozë e AstraZeneca’s e arrin imunitetin te ai qytetar mbi 87%, karshi vaksinës Pfizer e cila shkon deri në 89%”, ka thënë ai për Indeksonline.

Ramadani tha se AstraZeneca” është e barabartë në aspektin imonulogjik me vaksinat e tjera.

“Kohëve të fundit po ekziston protokolli që është duke u dhënë doza e parë e AstraZeneca’s ndërsa e dyta Pfizer, sepse shkencëtarët e kanë vërtetuar se të dy vaksinat kanë imunitet të mirë dhe të kënaqshëm. Qytetarët të cilët hezitojnë të vaksinohen me AstraZeneca ose nuk janë të informuar ose s’janë mirë të informuar sepse nuk qëndron. Apeli im është që duhet të vaksinohen pasi është vaksinë mbrojtëse”, ka shtuar ai.