Infantino lirohet nga akuzat për mashtrim në FIFA

Prokurorët e jashtëzakonshëm federalë në aferën e FIFA-s kanë mbyllur procedimet penale kundër presidentit të FIFA-s, Gianni Infantino.. Bëhej fjalë për një fluturim me avion privat nga Surinami në Gjenevë.

Në këtë kontekst, Infantino ishte akuzuar për mashtrim të mundshëm në shoqatën ndërkombëtare të futbollit FIFA. Marrja e provave e zhvlerësoi këtë dyshim, siç njoftuan të enjten prokurorët e jashtëzakonshëm federalë.

Deklaratat e dëshmitarëve hodhën poshtë pretendimet e ngritura. Përveç kësaj, Infantino në mënyrë të ligjshme argumentoi se udhëtimi me avion privat ishte në përputhje me rregulloret e shpenzimeve të FIFA-s për zyrtarët e rangut të lartë. Fluturimi i planifikuar në të njëjtën ditë u anulua për arsye teknike. Infantino pati një takim të rëndësishëm për të marrë pjesë në Gjenevë dhe është dashur të jëtë patjetër atje.

Fluturimi u zhvillua më 11 prill të vitit 2017.