Incident në Vushtrri: Qytetarit i depërton një predhë e armës në kuzhinë – fqinjët po festonin në aheng familjar

Një rast i shkaktimit të rrezikut të përgjithshëm u raportua në Vushtrri.

Sipas njoftimit të Policisë, dyshohet se një predhë ka depërtuar në një shtëpi, saktësisht në kuzhinë.

Policia pas këtij incidenti, ka kryer kontrolle në shtëpinë e fqinjit të të dëmtuarit, i cili ditë më parë kishte një aheng familjar.

“Në vendin e ngjarjes kanë dalë njësitë përkatëse të cilët kanë konfiskuar predhën. Në konsultim me prokurorin, është bastisur shtëpia e fqiut m/k i cili ditë më parë ka pas aheng familjar, me ç’rast është gjetur dhe konfiskuar një pistoletë me një karikator”.

Me vendim të prokurorit, rasti shkon në procedurë të rregullt.