Imri Ahmeti s’ndalet as në mbrëmje, viziton familjen e kandidatit Faton Sefedini

Kandidati i LDK-së për Lipjanin, Imri Ahmeti ka njoftuar se sonte kanë vazhduar vizitat në familjen e kandidatit për Kuvendin Komunal, Faton Sefedini, shkruan Demos.

“Në prani të familjes Sefedini, miqve dhe përkrahësve të Fatonit, biseduam për zhvillimet e deritanishme në komunën tonë, për investimet në infrastrukturë, si dhe për projektet e ardhshme për qytetin e Lipjanit.

Ndër të tjera, nga të pranishmit kërkova mbështetje për familjarin e tyre, Fatonin, në mënyrë që ta kemi krah nesh në Kuvendin e ardhshëm Komunal.

Në fund, falënderova familjen Sefedini për mikpritjen dhe përkrahjen e vizionit tonë, përtej fjalëve, ne jemi me punë për Lipjanin.”, ka theksuar mes tjerash ai.