Iliri Dajës i vdes personi më i dashur, e ngushëllon ekipi i tij

Trajnerit të FC Ballkanit, Iliri Dajës sot i erdhi një lajm i trishtë.

Atij iu nda nga jeta më e dashura, nëna e tij.

Lajmin e konfirmoi vet Daja në rrjetin social Facebook.

“Me hidhërim të thellë ju njoftojmë për ndarjen nga jeta të nënës sonë. Pritjet do zhvillohen tek shtëpia funerale Parajsa tek ish-Nsherak. Varrimi do të kryhet ditën e hënë 25/03/2024 ora 14:00 tek varrezat në Tufinë”, ka shkruar Daja.

Në lidhje me lajmin e hidhur ka reaguar edhe klubi i Ballkanit, të cilët janë shprehur të pikëlluar dhe kanë ndarë dhimbjen me familjen e trajnerit të tyre.

“Me pikëllim të thellë kemi pranuar lajmin për ndarjen nga jeta të nënës së trajnerit tonë, Ilir Dajës. Në këto momente të vështira për ta, qëndrojmë me familjen Daja dhe ndajmë dhimbjen e përbashkët. Shpirti i të ndjerës u prehtë në paqe!”, ka shkruar Ballkani.