Kryetari i Komunës së Istogut, Ilir Ferati ka bërë homazhe sot tek varri i babait të tij, Fadil Feratit, shkruan GazetaDemos.
Ferati shkruan se “ai ishte njeriu model e besnik për të gjithë istogasit prandaj trashëgimia e vyer intelektuale dhe politike e tij do të mbeten gjithmonë shembuj frymëzimi për ne e shumë breza”.
Në këto homazhe prezent ishte edhe kreu i Lidhjes Demokratike të Kosovës, Lumir Abdixhiku.
Postimi i plotë:
14 vite më parë u nda nga jeta babai im, nënkryetari i LDK-së e Kryetari Historik i Istogut, Fadil Ferati. Ai ishe njeriu model e besnik për të gjithë istogasit prandaj trashëgimia e vyer intelektuale dhe politike e tij do të mbeten gjithmonë shembuj frymëzimi për ne e shumë breza. Me krenari them sot që rruga dhe ideali i tij vazhdon përmes nesh dhe do të ruhet si vlera më e madhe që trashëguam nga ai.
Bashkë me Kryetarin e Lidhjes Demokratike të Kosovës z. Lumir Abdixhiku, miq e bashkëpunëtorë dhe bashkë me qytetarë të shumtë, të përkujtuam Ty babë, veprën tënde të paharrueshme për Istogun e Kosovën.
Falënderim dhe respekt të veçantë për të gjithë Ju që ndatë kohën Tuaj që sot të jeni bashkë me familjen e Fadilit në përkujtim të jetës dhe veprës së Tij!