Close Menu
    sq Albanian
    sq Albanianhr Croatianen Englishfr Frenchde Germansr Serbiantr Turkish
    sq Albanian
    sq Albanianhr Croatianen Englishfr Frenchde Germansr Serbiantr Turkish
    Ballina

    IKShPK apel qytetarëve: Vaksinohuni, gripi sezonal po e kalon pragun epidemik

    Instituti Kombëtar i Shëndetësisë Publike të Kosovës, u ka bërë thirrje qytetarëve që të vaksinohen sepse rastet e fundit me gripin sezonal tregojnë se e ka kaluar pragun epidemik, shkruan GazetaDemos.

    IKShPK-ja ka dhënë disa rekomandime për qytetarët se si të veprojnë në mënyrë që të kenë kujdes nga gripi.

    Njoftimi i plotë i IKShPK-së

    ℹ️Instituti Kombëtar i Shëndetësisë Publike të Kosovës (IKSHPK) u bën thirrje qytetarëve që të vaksinohen kundër Gripit sezonal, ndërkohë që javën e fundit, sipas numrit të rasteve të raportuara, intensiteti i gripit është në aktivitetin e lartë të qarkullimit duke e kaluar pragun epidemik. 📈.

    ℹ️Kjo rritje rezulton me rritje të fluksit të qytetarëve që kërkojnë ndihmë mjekësore në institucionet shëndetësore.

    ℹ️Gripi sezonal është sëmundje akute infektive e cila te një numër i konsideruar i rasteve shkakton komplikime serioze shëndetësore, veçanërisht te fëmijët, të moshuarit dhe ata me sëmundje kronike, ndërsa vaksinimi është mënyra më e mirë për të parandaluar gripin dhe reduktuar rrezikun.

    ℹ️Duke qenë që sezoni i gripit zgjat edhe për disa muaj, IKSHPK u bën thirrje të gjithë qytetarëve pa dallim moshe që të vaksinohen si masë parandaluese, me theks të veçantë grupeve me prioritet si: Punëtorët shëndetësor; Gratë shtatzëna; Personat me sëmundje kronike dhe me imunitet të komprometuar; Personat mbi 65 vjeç; dhe Fëmijët e moshës nga 6 muaj deri në 5 vjeç me indikacione shëndetësore.

    🏢Ministria e Shëndetësisë ka siguruar për këtë sezon 85 000 💉doza të vaksinës dhe qytetarët mund të vaksiohen në secilën komunë, në qendrën më të afërt të Mjekësisë familjare.

    📣IKSHPK u bën thirrje gjithashtu qytetarëvë që të zbatojnë edhe masa të tjera parandaluese si:

    ✅Mbajtjen e higjienës personale;

    ✅Evitimin e kontakteve të afërta me individë të sëmurë;

    ✅Redukimin e vizitave të familjarëve tek personat e hospitalizuar (SHSKUK, Spitalet rajonale);

    ✅Evitimin e vendeve të mbyllura dhe të mbingarkuara me njerëz;

    ✅Ushqimin e shëndetshëm me shumë vitamina;

    ✅Aktivitet fizik dhe gjumë të mjaftueshëm;

    ✅Personat e sëmurë të qëndrojnë në shtëpi .

    ✅Konsultimi me mjekun për mjekimin me barna kundër gripit, të cilat duhet të merren vetëm me rekomandimin e mjekut.

    Artikuj të ngjashëm