‘Ibra’ nuk arrin t’i kontrollojë emocionet pas eliminimit, ia hedh fajin gjyqtarit: Jemi të zhgënjyer

Legjenda dhe këshilluesi i klubit Milanit, Zlatan Ibrahimoviq, është shprehur i zhgënjyer me eliminimin e “Rosonerëve” nga Liga e Kampionëve.

Ish-sulmuesi suedez fajësoi gjyqtarin e ndeshjes Szymon Marciniak, duke thënë se ishte treguar i ashpër kur e ndëshkoi me karton të kuq Theon.

“Jemi të zhgënjyer dhe zemëruar. Gjyqtari ishte i ashpër te Theo Hernandez në kartonin e dytë të verdhë. Simulim? Ai (Hernandez) nuk është aktor. Kartoni i kuq e ndryshoi lojën. Mund të bënim shumë më shumë. Feyenoordi nuk ishte më e mirë. E vramë vetën”, deklaroi ai ndër të tjera.

Në fund Ibra shtoi: “Ky Milan duhet të bëjë më shumë. Ky ekip është më i mirë se ai kur luajta unë, që e fituam Scudetton”.

Ndërkohë, AC Milanit tani i mbetet të garojë për top katërshe, në mënyrë që ta sigurojë pjesëmarrjen në Ligën e Kampionëve për sezonin 2025/26.