I shumëkërkuari nga FBI dyshohet për përfshirje në krimin e mbrëmshëm në Prishtinë

Dukagjin Nikollaj, i njohur me nofkën “Duka”, ndodhet në arrati për përfshirje në krimin në lokalin Bon Vivant në Prishtinë.

Paparaci ka marrë vesh nga burime brenda Policisë së Kosovës se “Duka”, është i dyshuar për përfshirjen në vrasjen dhe plagosjet e mbrëmshme që tronditën Prishtinën.

Dukagjin Nikollaj është po ashtu i kërkuar nga FBI-ja për kryerjen e disa veprave penale, kryesisht për ato të ndërlidhura me trafik droge.

“Duka” dyshohet të jetë i përfshirë në plagosjen e disa personave mbrëmë në qendër të qytetit dhe momentalisht është në kërkim nga Policia e Kosovës.

Paparaci ka siguruar një fotografi të “Dukës” nën shoqërinë e Kastriot Ramadanit, që mbeti i vdekur si pasojë e plagëve të marra të premten në mbrëmje.

Katër persona mbetën të plagosur mbrëmë si pasojë e plagëve të marra nga armët e zjarrit, ndërsa 17 tjerë u lënduan në vazhdimësi, 14 prej tyre femra.