I njohur si “Dhia”, ky është i riu që dyshohet se u vra sot në Podujevë

Një person është vrarë dhe një tjetër ka mbetur i plagosur si pasojë e gjuajtjeve me armë zjarri, sot në rrugën “Zahir Pajaziti” në Poduejvë.

Lajmin e ka bërë të ditur, zëdhënësi i Policisë së Kosovës, Agron Borovci.

 “Sot rreth orës 12:30, është raportuar për gjuajtje me armë zjarri,  në rrugën “Zahir Pajaziti” në Podujevë.   Policia menjëherë ka dalë në vendin e ngjarjes dhe nga informacionet e para  të marra  nga mjekët emergjent është konfirmuar se një  person  është pa shenja jete ndërkaq një tjetër ka mbetur i plagosur.   Aktualisht policia po vijon  punën me veprime të ekzaminimit të vendngjarjes si dhe me veprime të tjera operativo-hetimore, me qëllim të zbardhjes së rrethanave të ngjarjes si dhe identifikimin e të dyshuarve.”, ka konfirmuar, zëdhënësi i policisë Agron Borovci.

Siç raporton “Indeksonline” nga burimet e veta bëhet me dije se personi i vrarë është është 30 vjeçari Valmir Breznica, i njohur me nofken “Dhia”, kurse e plagosuar ka mbetuar bashkësëhortja e tij.