I bëjnë për spital dy policë, të dyshuarit përfundojnë në pranga

Dy  të dyshuar kanë përfunduar në pranga pasi sulmuan dy zyrtarë policorë, gjatë kryerjes së detyrës, me ç’rast zyratërt e policisë kanë pësuar lëndime trupore, shkruan GazetaDemos.

Në këtë rast sipas raportit të Policisë së Kosovës, janë arrestuar dy të dyshuar, të cilëve u është caktuar masa e paraburgimit pre 48 orësh, ndërsa zyrtarët  policor kanë marrë trajtimin e nevojshëm mjekësor.

“Janë arrestuar dy të dyshuar meshkuj kosovarë për shkak se i kanë penguar dhe sulmuar fizikisht dy zyrtarë policor derisa kanë qenë në kryerje të detyrës zyrtare, ku si pasojë dy zyrtarët policor kanë pësuar lëndime trupore dhe kanë pranuar tretman mjekësor. Në vendin e ngjarjes kanë dalë njësitë relevante policore dhe prokurori kujdestar i cili ndaj të dyshuarve ka caktuar masën e ndalimit për 48 orë dhe nën mbikëqyrjen e njësitit policor kompetent kanë pranuar tretman mjekësor. Rasti nën hetime”, thuhet në raportin 24 orësh të Policisë së Kosovës./GazetaDemos/