“Hykmete, kërko falje”, “Kështu ja ke huqë krejt ligjeve ”, përplasën Haxhiu e Bajrami

Ministrja e Drejtësisë, Albulena Haxhiu i ka dedikuar një shkrim në profilin e saj në Facebook, Hykmete Bajramit. Haxhiu e bëri këtë reagim pas një postimi të deputetes së LDK’së, rreth Ligjit për Qeverinë ku thuhet se të gjithë anëtarët e kabinetit qeveritar duhet të japin dorëheqje nga pozitat e tyre para se të certifikohet rezultati i zgjedhjeve të 9 shkurtit.

Haxhiu në postimin e saj drejtuar Bajramit, i ka thënë kësaj të fundit që të moj ngatërroj gjërat.

Ajo ka thënë edhe se shpallja e rezultateve dhe certifikimi janë procese të ndara dhe të ndryshme.

‘‘Hykmete, mos i ngatërro gjërat si zakonisht. Shpallja e rezultateve dhe certifikimi janë procese të ndara dhe të ndryshme. Nesër mund të bëhet shpallja e rezultateve, jo certifikimi’’, ka shkruar ajo.

I menjëhershëm ishte reagimi i deputetes se LDK-së, Hykmete Bajrami, e cila i ka replikuar asaj.

“Albulenë ty të marrë seriozisht veç kur të përgjigjësh në këtë vidoe, përndryshe komentet tua pa ditë çka kam shkru, duke lexu vetëm tituj nuk i marr seriozisht”, shkroi ajo.

Bajrami ka bashkangjitur një video të ish-kryetares se Gjykatës Kushtetuese, Gresa Caka e cila fliste aty për arsyet e rrëzimit të ligjit që rregullon çmimet në treg.

“Ligji që rregullon çmimet në treg është rrezuar për shkak se ia ka lënë kontrollin kryeministrit e ministrit, e jo ndonjë organi te pavarur. Aryseja e dytë: Është krijuar ligj i ri pa u shfuqizuar ligji aktual për tregti të brendshme. Kjo krijon pasiguri juridike”, deklaronte ajo.

Në anën tjetër edhe Haxhiu nuk e la pa ia kthyer komentin Bajramit, ndonëse i iku pyetjes: Pasi të kesh kërkuar falje për huqjen do të mund të përgjigjem.

E tëra nuk përfundoi këtu pasi Bajrami i reagoi sërish Haxhiut duke i thënë “kur ja kam huq kqyre ligjin qysh e kam shkru. Unë kam thënë nëse rezultatet certifikohen nesër duhet me dhanë dorëheqje sonte. A e kupton fjalën “nëse”? Me siguri jo, se kështu ja ke huqë me krejt ligjet që 4 vite”. 

E përgjigjja e ministres Haxhiu ishte vetëm “Natën e mirë”. 

Ndryshe, sipas Ligjit për Qeverinë që ka hyrë në fuqi në nëntorin e vitit 2022, të gjithë anëtarët e kabinetit qeveritar që drejton kreu i LVV-së, Albin Kurti, e të cilët kanë arritur të fitojnë mjaftueshëm vota për t’u zgjedhur deputet, duhet të japin dorëheqje nga pozitat e tyre para se të certifikohet rezultati i zgjedhjeve të 9 shkurtit.