Hoxha: Pas 4 vjetëve të VV-së në Qeveri, ka shtrenjtim të rrymës, arsim të dobët e mirëqenie të ulët

Analisti politik, Dibran Hoxha, ka thënë se pas katër vjetësh qeverisje të Lëvizjes Vetëvendosje, ka arsim të dobët e mirëqenie në nivel të ulët.

Hoxha, në “Debat Plus”, u shpreh se Qeveria ka pasur mundësi edhe t’i rris pagat por një gjë të tillë nuk e ka bërë.

“Pas 4 vjetëve kemi shtrenjtim të rrymës, arsim të dobët, mirëqenia është në nivel të ulët, nuk kemi rritje të pagave përveç 6.80 centë… po flitet që koeficienti do bëhet nga 110 në 135, prapë nuk mendoj që do ketë efekt elektroal, mendoj që kjo ka me prodhu efekt të kundërt. Qytetarët duhet me u revoltu që në mundësinë që kjo qeverisje e ka pas me rritë rroga… ka pas kapacitete dhe resurse me i rritë pagat, nëse e ka lënë në fund kjo nuk dallon nga asfallti i Thacit”, tha ai.