Hoxha: Lushtaku nuk sulmoi fizikisht, nuk e kuptoj pse erdhi ai reagim

Deputetja e Partisë Demokratike të Kosovës, Eliza Hoxha, ka thënë që deputeti i kësaj partie, Mërgim Lushtaku, nuk kishte shkuar te foltorja për ta sulmuar dikë fizikisht.

Ajoi iu referua incidentit të sotëm në parlament ku pati përleshje midis opozitës dhe qeverisë.

“Zotëri Lushtaku nuk ishte aty për ta sulmu dikë fizikisht. Dhe përderisa nuk e sulmon dikë fizikisht nuk e kuptoj pse duhet të ketë një reagim të tillë as të z. Muratit, as të z. Bislimit”, ka thënë Hoxha në Rubikon.

“Në fakt ky është një moment shumë i rëndësishëm në historinë politike të shtetit të Kosovës. E para, me e kuptu që nuk mujm me ecë përpara t’u u bo ma t’kqi se që kanë qenë dikush tjetër në çfarëdo instance, qoftë edhe në këtë rast duke marrë referencë një gabim që e ka bo dikush tjetër edhe duke u ngulitur, edhe duke folë për atë send me e rritë veten”.