Hoti: Dyshohet se në Shtaval janë dërguar njerëz me autobus, janë vra dhe janë varros

Kryesuesi i Komisionit Qeveritar për Personat e Zhdukur, Andin Hoti, ka folur për një varreze masive që gjendet në Shtaval të Serbisë,

E kjo sipas Hotit mund të jetë e luftës së fundit në Kosovë.

Hoti ka thënë se ka dëshmitarë të shumtë duke përfshirë edhe serb të asaj zone të cilët kanë deklaruar se në atë pjesë janë dërguar njerëz me autobus të cilët janë vrarë dhe pastaj janë varrosur.

“Lokacioni Shtaval ka pasë dëshmitarë të ndryshëm duke përfshi edhe dëshmitarë serb të asaj ane që kanë parë autobus me njerëz që i kanë dërgu atje, i kanë vra dhe pastaj i kanë varros. Mirëpo ai lokacion është një lokacion minierë që me tonelata pastaj është hudhë mbi dhe ne duhet të vazhdojmë të gërmojmë. Por përqindja që ne mund të kemi rezultat në atë lokacion është e vogël nëse, ne nuk e kemi kordinatën e sakt dhe përpos kordinatës së sakt është Serbia e vetmja që e ka dhe është Serbia që mund të na jep”, tha Hoti në Tëvë1.

Më tej Hoti shtoi se sipas këtyre informative të dëshmitarëve dhe sipas vet ministrit të Punëve të Jashtme të Serbisë Ivica Daçiq, në atë lokacion dyshohet për një varrezë masive.