Holanda kundër: Nuk mund të ndërpritet menjëherë nafta dhe gazi rus

Kryeministri holandez Mark Rutte deklaroi se nuk ishte në favor të ndërprerjes së furnizimit rus me naftë dhe gaz, pasi kjo do të ishte e paqëndrueshme për vendet anëtare të Bashkimit Evropian.

“Ne duhet të diskutojmë dobësitë tona në lidhje me varësinë tonë nga nafta ruse dhe gazi rus. Unë nuk do të kërkoja ndërprerjen e furnizimit tonë me naftë dhe gaz nga Rusia sot, nuk është e mundur sepse ne kemi nevojë për furnizim dhe kjo është e vërteta e pakëndshme”, tha Rutte gjatë një konference të përbashkët për shtyp me presidentin francez Emmanuel Macron në Paris, raporton Reuters.

Më herët, SHBA bllokoi furnizimin e vendit me naftën dhe gazin rus. Por, ndryshe nga Evropa që ka furnizues kryesor Rusinë, SHBA-ja merr shumë pak karburante nga Moska.