Hiqet sërish flamuri serb nga kalaja e Zveçanit – Pamje

Flamuri serb në kalanë e Zveçanit është hequr sërish.

Flamuri u hoq duke përdorur një mjet të përshtatshëm për të hequr vidhat nga direku i gjatë prej hekuri, i cili ishte futur në shkëmb.

Zëvendëskomandanti i PK-së për Veri, Veton Elshani për Kossev tha se janë njoftuar vetëm pas ngritjes së flamurit dhe në vendin e ngjarjes kanë dalë edhe zyrtarët policorë. Ai pohon se nuk kanë vërejtur asgjë paraprakisht, pavarësisht pranisë më të fortë të policisë në këtë zonë.

Meqë ra fjala, pak ditë më parë u ndërruan litarë të rinj për ngritjen dhe mirëmbajtjen e flamurit në direkë, i cili u prish nga konsumimi dhe era e fortë që fryn nga kalaja sidomos në këtë periudhë të vitit.

Më pas, sipas dëshmisë së një grupi të rinjsh që po punonin për riparimin, është ngritur një dron policie dhe ka ardhur një ekip policie.

Këtë e ka konfirmuar sot Elishani, duke thënë se më pas kanë parë informacione në kanalet e Telegramit se flamuri është hequr dhe se policia është ngjitur lart pasi ka parë njerëz që “mendonin se po e hiqnin flamurin”.

I pyetur se si nuk e kanë vënë re tani, ai ka deklaruar se mund të ketë ndodhur natën, se kjo nuk do të thotë se patrulla ka qenë në një pikë të dukshme dhe se përndryshe një numër më i madh njerëzish ngjiten atje.