Hiqet një ‘kafeteri ilegale’ në Mitrovicë të Veriut, njoftimi i komunës: Vazhdojmë edhe ditëve në vijim

Komuna e Mitrovicës së Veriut e udhëhequr nga Lëvizja Vetëvendosje ka njoftuar se kanë hequr një objekt – ‘kafiteri ilegale’ – nga një hapësirë publike teksa kanë njoftuar se “edhe ditëve në vijim” do të vazhdojnë me të njëjtat veprime për raste të njëjta.

“Sot ka përfunduar puna për largimin e kafiterisë e cila ndër vite ka zhvilluar aktivitetin ilegalisht dhe pa u ndërmarrë asnjë veprim nga zyrtarët e inspektoratit të qeverisjes së kaluar”, ka shkruar Komuna e Mitrovicës së Veriut.

Në postim ka bashkëngjitur dy fotografi – njëra me gjendjen para, tjetra pas.