Haxhiu: Veturat e konfiskuara u janë dhënë në shfrytëzim institucioneve, do të shtohet pasuria e konfiskuar

Ministrja e Drejtësisë, Albulena Haxhiu ka njoftuar se Ministria e Drejtësisë shumë vetura të konfiskuara i ka dhënë në shfrytëzim për institucionet.

Ajo ka thënë se gjatë ditës së sotme ka vizituar deponë ku mbahen veturat e konfiskuara dhe të sekuestruara.

“Me hyrjen në fuqi të Ligjit për Byronë dhe funksionalizimin e Byrosë, do të shtohet pasuria e konfiskuar (në rastet kur ajo nuk mund të justifikohet nga zyrtarët). Të gjitha këto pasuri do të shfrytëzohen qoftë nga institucionet por edhe nga kategoritë në nevojë”, ka thënë e para e drejtësisë.