Haxhiu premton realizimin e reformës së plotë të shërbimeve sociale

Ministrja e Drejtësisë, Albulena Haxhiu së bashku me kryeministrin e vendit, Albin Kurti, kanë vizituar Kampin Veror për Fuqizim të Familjes.

Pjesëmarrjen në këtë aktivitet e ka bërë të ditur vetë ministrja në rrjetin e saj social – Facebook.

Ajo shprehet e lumtur që ishte pjesë e këtij aktiviteti, gjersa potencon se MD po punon në çështjen e shërbimeve cilësore për fëmijët e Fshatrave SOS.

“Së bashku me kryeministrin, ishim për vizitë në Kampin Veror për Fuqizim të Familjes. Në këtë aktivitet të organizuar nga SOS Fshatrat e Kosovës, pjesëmarrës ishin më shumë se 40 fëmijë të cilët përmes lojës shprehnin talentet e tyre në art, sport dhe fusha tjera.  Jam e lumtur që Ministria e Drejtësisë në këto dy vitet e fundit ka adresuar një pjesë të reformës në shërbime sociale dhe familjare dhe të ngrisë fondet për këto shërbime. Janë këta fëmijë të cilët kanë nevojë për shërbime cilësore, prandaj ne do të vazhdojmë me përkushtim maksimal të punojmë në drejtim të realizimit të reformës së plotë të shërbimeve sociale”, shkruan Haxhiu