Haxhiu: Deklaratat e Qeverisë për vendimet e gjykatave, nuk paraqesin ndërhyrje në sistemin e drejtësisë

Albulena Haxhiu, ministre e Drejtësisë, në konferencën e publikimit të raportit me titull “(Mos) Zbatimi Aurela i Strategjisë së Sundimit të Ligjit në Praktikë”, ka thënë se deklaratat e Qeverisë për vendimet e gjykatave apo veprimet e sistemit të drejtësisë, nuk paraqesin ndërhyrje në sistemin e drejtësisë.

“Sa i përket çështjes së të asaj që thuhet në raport se deklaratat e Qeverisë për vendimet e gjykatave apo veprimet e sistemit të drejtësisë janë ndërhyrje në drejtësi, Gzimi tha se është qartazi ndërhyrje në sistemin e drejtësisë , unë them qartazi nuk paraqesin ndërhyrje në sistemin e drejtësisë”, tha Haxhiu.

Sipas saj, deklaratat të cilat ata i bëjnë kanë vetëm qëllimin që të ngrisin vigjilencën, llogaridhënien,  profesionalizimin, meritokracinë dhe transparencën e institucioneve të drejtësisë.

“Ne nuk ka asnjë rast që të thërrasim prokuror e gjyqtar në telefon për të ndërhyrë në një lëndë që gjyqtari apo prokurori t’i hapë sytë në ndonjë rast apo t’i mbyll në një tjetër. Kjo nuk ndodh në Qeverinë e Republikës së Kosovës, por sigurisht nuk mund të heshtim kur shohim ta zëmë që për raste të njëjta diku është dënimi më i madh diku është më i vogël”, tha ajo.

Sipas Haxhiut, nuk ka dënime siç parashihen në Kodin Penal të Kosovë, andaj konsideron që qartazi nuk paraqesin ndikim në sistemin e drejtësisë deklarimet që bëjnë./Betimi për Drejtësi