Haradinaj tregon se si nisi lufta me 24 mars: S’ka pasur shanse që të ndihmohet familja jonë

Beteja e 24 marsit të vitit 1998, nga shumë kush konsiderohet si një nga betejat më të rëndësishme të Ushtrisë Çlirimtare të Kosovës.

Rrjedhjen e ngjarjeve deri në këtë ditë, i ka treguar Daut Haradinaj në emisionin “n’Demos” ku ka treguar edhe bisedën me ish të burgosurin politik, Rasim Selmanajn se lufta ishte afruar shumë.

“Unë e mbaj mend edhe bisedën me Rasim Selmanajn, atë mëngjes i thash se s’ka më aktivitet politik, mos dil më në Deçan se do të arrestojnë, e nuk ke me pa më lirinë me sy, se kemi qenë në prag, edhe unë shkova ia jepa paret, ia japa porosinë Nexhatit, e kah u ktheva e takova prap Rasimin, e luta që brenda mundësive me i thirrë aktivistët e LDK-së në komunën e Deçanit, me i paralajmëru se po kërset lufta, se nuk më rrugë tjetër, edhe aty për aty na kishin përcjellur edhe na sulmuan pak para se me hy në shtëpi tek unë, aty filloi lufta e 24 marsit, Rasimin veq arritën me nxanë mas shkëmbimit të zjarrit, ata kishin qenë të përgatitur se në anën e kundërt kah Dubrava ku kishte qenë një familje serbe, ajo kishte qenë e mbushur me policë, kur kanë hy blindat kanë qenë me një shpejtësi shumë të madhe. Problemi ishte se nuk na gjeti mirë të organizuar”, ka deklaruar Haradinaj, shkruan GazetaDemos.

Atë ditë do të pëjetësohenin në historinë e kombit shqiptar edhe dëshmorët Gazmend Mehmetaj, Agron Mehmetaj e Himë Haradinaj.

“Nëse flasim për familjen e Nimanajve, që jemi edhe me shtëpi fqinj, ata deri sa e kanë hargju municionin kanë gjuajtur, pastaj ka depërtu Serbia, e një pjesë e meshkujve që kanë qenë, kanë arrit me u largu, e pastaj aty Serbia ka bërë gërdi në familjarë, në tortura, edhe Sokol Sejfia me familjen e vet i ka përdor armët, Ramë Nimanaj nuk ka qëllu në shtëpi, Idriznezirët kanë shku me i ndihmu fëmijët në shkollë të Gllogjanit të cilit ishin rrethuar nga serbët, por duke u afruar aty, nga një snajper në një distancë të madhe, janë vrarë tretë edhe Agroni, edhe Gazmendi edhe Hima, pra serbët vetëm sa e kishin bllokuar hyrjen, nuk ka pasur shanse që të ndihmohet familja Haradinaj, minimum në tre pozicione hyrje-dalje kemi qenë të bllokuar, ne jemi zhvendos nga shtëpia në qendër të fshatit, pasi ideja ka qenë që me pas shtëpia me murë të fora, pra ku kanë qenë kullat, pasi edhe mundësia me rezistu ka qenë shumë e madhe”, ka thënë ai.

Emisioni i plotë: