Haradinaj takon disa kongresmen në SHBA: Koordinimi dhe anëtarësimi në NATO, janë jetike për të ardhmen e vendit tonë

Kreu i Aleancës për Ardhmërinë e Kosovës, Ramush Haradinaj po vazhdon vizitën e tij në SHBA, shkruan GazetaDemos.

Ai po qëndron atje për inagurimin e Presidentit Donald Trump, teksa njoftoi se atje ka takuar kongersmenët Gary Palmer (Alabama), Andy Harris (Maryland), Brad Knott (Karolina e Veriut).

“Avansimi i marrëdhënieve të Kosovës me ShBA, koordinimi dhe anëtarësimi në NATO, janë jetike për sigurinë, demokracinë dhe të ardhmen e vendit tonë”, u shpreh ai.

Postimi i plotë:

Shteti mbahet me miq

Sot, ditën e inaugurimit të Presidentit Donald Trump, pata kënaqësinë ta filloj me takime përmbajtësore me kongresmenët, Gary Palmer (Alabama), Andy Harris (Maryland), Brad Knott (Karolina e Veriut), si dhe me përfaqësues eminentë të Mërgatës Shqiptare në Shtetet e Bashkuara.

Avansimi i marrëdhënieve të Kosovës me ShBA, koordinimi dhe anëtarësimi në NATO, janë jetike për sigurinë, demokracinë dhe të ardhmen e vendit tonë.