Haradinaj: Presidentja duhet të përfshihet për t’i dhënë fund ngërçit në Kuvend

Deputeti i AAK-së, Daut Haradinaj ka thënë se bllokada në Kuvend nuk mund të shkojë në pafundësi.

Ai ka thënë se presidentja Osmani duhet të përfshihet duke i mbledhur partitë parlamentare që të gjendet një zgjidhje, sa më parë të jetë e mundur.

“Duket që do të jetë shumë shkurtë, sepse do të jetë i njëjti kandidat sepse propozimi i opozitës ka qenë që të ndërrohet kandidati, por i takon pozitës që ti japin zgjidhje.

Jo nuk e kemi diskutu këtë çështje, por kemi thënë se jemi të gatshëm me dhënë zgjidhje në rast se do të jenë dy emra të tjerë të mazhorancës, u takon atyre sepse duket se kështu duket se do të shkojë në pafundësi. Do të ishte shumë e udhës që presidentja ti ftojë partitë parlamentare dhe të gjindet një zgjidhje, kështu se të gjithë deputetët janë në depresion sepse nuk ka atmosferë pune. Nuk shkohet në pafundësi në këtë formë”, tha Haradinaj para mediave.