Haradinaj: Dimal Basha s’është as kurrë nuk do të jetë kryetar i Kuvendit, ai është vetëm një kukull asgjë më shumë

Deputeti i betuar i AAK-së, Daut Haradinaj ka qenë i ftuar në emisionit “Real Talk me Maxhunin”, që transmetohet në Periskopi.

Ai gjatë intervistës ka folur për zgjedhjen e Dimal Bashës kryetar të Kuvendit.

Haradinaj ka thënë se Basha është vetëm një kukull asgjë më shumë, derisa ka shtuar se fjalimet ja shkruan Dejona dhe se do ta votojë përsëri Dimalin.

“Unë prapë ja votoj Albinit, sa herë të dojë le t’ma bjen Dimal Bashën. Une e di që Dimal Basha nuk është as s’ka me kanë kurrë kryetar i Kuvendit. Edhe hiq shoqëria jonë duhet me u shqetësu. Ai është një figurë aty një kukull, asgjë më shumë. Edhe hiq nuk e rrezikon Kosovën, kur po i dëgjoj do u bë kiameti, asgjë nuk u bë hiq. Ai është vetëm një udhëheqës i seancës, një po, jo e merr fjalën s’e merr fjalën. Edhe atë të shkruar nga Dejona. S’ka madat ai për veti, si depuetet e lëre më si kryetar. Ai është trupi i VV-së që ia ka ofru Kosovës.”– ka thënë Haradinaj.