Hapet super ura mbi Adriatik që lidhi kroatët, ja sa kushtoi ndërtimi saj

Radhët e gjata dhe bllokimet e turistëve dhe qytetarëve kroatë do të mbeten tani pjesë e së kaluarës pasi ura e shumëpritur që anashkalon një brez bregdetar boshnjak për të lidhur rajonin e tij jugor të Adriatikut – qytetin e Dubrovnikut – me pjesën tjetër të vendit është e hapur.

Përmes një deklarate të dhënë më 27 korrik, Komisioni Evropian theksoi se me inaugurimin e strukturës së bashkëfinancuar nga BE, ura 2.4 km e gjatë kalon gjirin e malit të Stonit në gadishullin Pelješac dhe më në fund lidh qarkun Dubrovnik-Neretva me pjesën tjetër të rajonit dalmat.

Ndërtimi i urës ka kushtuar 420 milionë euro, ku BE-ja ka kontribuar duke ndarë 357 milionë euro nga fondet e politikës së kohezionit. Sipas Komisionit të BE-së, ura do të shkurtojë kohën e udhëtimit me 37 minuta përgjatë vijës bregdetare të Adriatikut.

Në këtë drejtim, drejtori i Bordit Kombëtar të Turizmit Kroat, Kristjan Staničić, tha se ura me siguri do të jetë një atraksion i ri turistik për marinarët, për të cilët lundrimi nën urë do të jetë një përvojë e veçantë. Më tej, sipas tij, shumë turistë mund të shijojnë edhe pamjen e mrekullueshme të urës.

Siç shpjegon Komisioni i BE-së, trafiku tokësor nuk ishte i vetmi shqetësim që duhej trajtuar gjatë ndërtimit të urës. Kështu e parashikuar fillimisht në lartësinë 44 m, lartësia e urës u rrit në 55 m për të lejuar kalimin e anijeve tregtare poshtë.

Duke filluar nga data 26 korrik 2022, ura dhe pjesë të rrugëve hyrëse janë funksionale dhe i gjithë projekti madhor pritet të përfundojë në fund të nëntorit 2023, kur do të finalizohet edhe faza e fundit, bypass-i i Stonit.

Për më tepër, një investim strategjik siç është Ura e Peljesakut pasqyron gjithashtu angazhimin e BE-së për të bashkuar njerëzit dhe territoret, duke forcuar kështu kohezionin territorial të rajonit dhe duke i dhënë një shtysë vendeve të tjera të Ballkanit Perëndimor.

Megjithatë, duke marrë parasysh reduktimin e kohës së udhëtimit dhe kostot e transportit, aksesin më të mirë në shërbimet sociale dhe përmirësimin e aksesit në tregjet lokale, ky projekt synon të përmirësojë kushtet e jetesës dhe të punës për popullatën vendase.