Hamza: Koalicioni PDK-LDK-AAK-NISMA dhe komuniteti joshumicë, formula më e lehtë për qeverisje

Kandidati për kryeministër nga PDK-ja, Bedri Hamza, ka thënë se bashkimi i partive PDK, LDK, AAK-NISMA dhe komuniteti joshumicë, është formula më e lehtë për të krijuar qeverinë, raporton Periskopi.

Hamza u shpreh se koha ka dëshmuar për funksionimin e këtyre partive në koalicionet e kaluara qeverisëse.

”Sa i përket LDK-së, dhe koalicionit AAK-NISMA dhe deputetëve të komunitetit joshumicë është shumë më e lehtë harmonizimi i programeve.

Te LDK na kemi dallime në programe por kemi edhe shumë ngjajshmëri.

Për shkak të qeverisjeve të kaluara, është shumë më e lehtë me pas një koalicion PDK, LDK, AAK-NISMA dhe të deputetëve të komunitetit joshumicë”, u shpreh Hamza në Debat Plus.