Albanian
Croatian
English
French
German
Serbian
Turkish
Analisti Halil Matoshi tha se Kosova është në gjendje permanente jokushtetuese me muaj të tërë dhe Kuvendi nuk është konstituuar. Ai gjithashtu tha se deklaratat e Dimal Bashës janë puro politike, ekstrapolitike dhe nuk kanë asnjë pasojë juridike.
“Kosova është në gjendje permanente jokushtetuese me muaj të tërë dhe Kuvendi nuk është konstituuar nuk ekziston si i tillë. Deklaratat e Dimal Bashës janë puro politike, ekstrapolitike dhe nuk kanë asnjë pasojë juridike për vendin sepse janë sikur ato përrallat e fëmijëve që i vendosin fëmijët në gjumë pas orës 8 në mbrëmje”. tha Matoshi
Matoshi për zgjedhjen e Bashës si kryeparlamentar tha se as vetë Lëvizja Vetëvendosje e as Albin Kurti nuk i kanë sytë në të, sepse sipas tij, ai është zgjedh për një përdorim.
“Ai është zgjedh për një përdorim sepse as Lëvizja Vetëvendosje e as Albin Kurti nuk i kanë sytë në të, po sido që të jetë, Kosova e fitoi edhe një showmen, sikur Gjergj Dedaj që thoshte dikur “Nuk kam qenë normal” edhe Dimal Basha i veshur me pushtet tha “nuk kam qenë i vëmendshëm”. shtoi tutje Matoshi.
Ai e tha këtë për faktin se Dimal Basha u arsyetua me Faktin se nuk kishte pasur njohuri rreth asaj se çfarë bashkëautorja e tij kishte shkruar në atë libër, ku ajo kishtë folur keq për UÇK-në./Gazeta10
