Hajnat bëjnë kërdi në një shtëpi në Lapnasellë, vjedhin 20 mijë euro

Foto ilustrim

Persona të panjohur kanë hyrë në një shtëpi në fshatin Lapnasellë në Graçanicë dhe kanë vjedhur 20 mijë euro para kesh, si dhe një revole që pronari e kishte me leje.

Policia rastin e ka cilësuar si “vjedhje e rëndë”.

“Fsh. Llapnasellë, Graqanicë 21.02.2025-19:55. Ankuesi mashkull  kosovar, ka njoftuar se persona të panjohur kanë depërtuar në shtëpinë e tij dhe nga aty kanë vjedhur 20.000 euro para kesh dhe një revole me leje. Njësitet përkatëse kanë dalë në vend ngjarje. Rasti duke u hetuar”, tha policia në raport.