Guterres dënon sulmet izraelite ndaj Katarit: Shkelje flagrante e sovranitetit

Sekretari i Përgjithshëm i OKB-së, Antonio Guterres, dënon “këtë shkelje flagrante të sovranitetit dhe integritetit territorial të Katarit”.

Duke folur në një konferencë për shtyp, ai thotë se sapo kishte mësuar për sulmin në Katar, të cilin e përshkruan si “një vend që ka luajtur një rol shumë pozitiv për të arritur një armëpushim dhe lirimin e të gjithë pengjeve”.

“Të gjitha palët duhet të punojnë për të arritur një armëpushim të përhershëm, jo për ta shkatërruar atë.”, thotë shefi i OKB-së.