Gruaja nga Kamenica denoncon burrin për dhunë në familje: Posedon armë, ma dha t’ia fsheh

Rastet e dhunës në familjet kosovare po vazhdojnë të rriten, ndërkohë që çdo ditë e më shumë gratë janë ato që po përjetojnë dhunë fizike e psikike nga bashkëshortët e tyre. Një rast i tillë është raportuar të ketë ndodhur mbrëmë, në një shtëpi në lagjen Malësia në Kamenicë

Sinjali mëson se rastin në Polici e ka denoncuar 26-vjeçarja, e cila ka pohuar se përgjatë tri viteve martesë me të dyshuarin, ka përjetuar vazhdimisht dhunë fizike.

Ajo para hetuesve policorë ka bërë të ditur se bashkëshorti i saj posedon armë dhe të njëjtën ia kishte dhënë që t’ia fshehë pak ditë më parë.

Policia ka arrestuar personin e dyshuar të cilin e ka shoqëruar në stacion policor për intervistim, ku ndaj tij është iniciuar rasti ‘Dhunë në familje’.

Me vendim të prokurorit, i dyshuari është dërguar në mbajtje për 48 orë.