Grabitje e armatosur në Prishtinë, dëshmitarët tregojnë momentin e sulmit

Një grabitje me armë zjarri ka ndodhur rreth orës 15:00 në lagjen Tophane në kryeqytet, raporton GazetaDemos.

Dëshmitarët e rastit për GazetaDemos treguan momentin e sulmit ku sipas tyre i dyshuari dhe zyrtarët e këmbimores kanë shkëmbyer zjarr.

Ata treguan se të dyshuarit nuk kanë mundur që të i’a shohin fytyrën, se ai ishte i maskuar apo jo.

Më tej ata deklaruan se i dyshuari është arrestuar në vendgjarje nga Policia e Kosovës.

Lidhur me rastin GazetaDemos ka dërguar pyetje në Policinë e Kosovës, mirëpo ende nuk ka marrë ndonjë përgjigje.