Gorani: Kurti tha se kërkesa e BE-së është absurde, kjo shprehje është në nivel ofendimi

Dukagjin Gorani, gazetar, ka thënë në “Pressing” të T7, të enjten se cilësimi si absurde nga kryeministri Albin Kurti i kërkesës së Bashkimit Evropian për Anotacionin si kusht për anëtarësim në Këshillin e Evropës mund të jetë në një formë edhe ofendim për bashkësinë ndërkombëtare.

Kryeministri i Kosovës ka refuzuar që draftin e statutit të Asociacionit të komunave me shumicë serbe ta dërgojë në Gjykatë Kushtetuese si kusht për anëtarësim në Këshillin e Evropës.

Gorani ka deklaruar se për të është i papranueshëm një komunikim i tillë diplomatik nga ana e Kurtit.

“Këtu po shihet që është kusht Asociacioni, atëherë pse pas refuzimit të hapur të djeshëm nuk ka kurrfarë reagimi të saktë e të qartë nga ana e bashkësisë ndërkombëtare. Kurti nuk ka thënë dje që jemi duke e shqyrtu, as nuk ka thënë që për momentin jemi duke e hezitu me dorëzu draft statutin. Dje e ka dhënë edhe një cilësim për mua të panevojshëm në nivelin e komunikimit diplomatik – ka thënë se kjo kërkesë është absurde. Kjo dorën zemër futet kapak edhe në fushë te ofendimi”, ka thënë Gorani.