Goditet nga vetura një person në Veternik, policia jep detaje

Ka ndodhur një aksident trafiku këtë të diele, rreth orës 17:00 në rrugën Prishtinë-Ferizaj.

Vetura ka goditur një këmbësor, ku si pasojë ka pësuar lëndime të mëdha.

Lajmin për Gazetën Demos, e ka konfirmuar zëdhënësja e Policisë për rajonin e Prishtinës, Flora Ahmeti.

“Rreth orës 17:00  kemi pranuar informatën se në rrugën Prishtinë -Ferizaj (Veternik), ka ndodhur një aksident trafiku me lëndime. Në këtë aksident kanë qenë të përfshirë, një  këmbësor dhe një veturë në lëvizje. Si pasojë e aksidentit lëndime të rënda trupore ka pësuar këmbësori, i cili është dërguar për tretman mjekësor. Me rastin po merret njësiti i trafikut”, ka konfirmuar ajo.