Albanian
Croatian
English
French
German
Serbian
Turkish
Kuvendi i Kosovës ka votuar sot për shkarkimin e 8 anëtarëve të Bordit të RTK-së.
Sali Bashota, Agron Gashi, Lirim Geci, Ilir Bytyqi, Albinot Maloku, Bajram Mjeku, Petrit Musolli e Fadil Miftari janë shkarkuar nga bordi i RTK-së me 64 vota për, asnjë kundër edhe asnjë abstenim.
Për shkarkimin e Bordit të RTK-së, anëtarët e të cilit janë shkarkuar veç e veç në Kuvend, nuk ka votuar kryepralamentari Glauk Konjufca.
Ky fakt Konjufcës i është përmendur edhe nga deputeti i LDK-së, Arben Gashi duke aluduar se Konjufca nuk ka qenë dakord me shkarkimin e këtij bordi.
Ndryshe, shkarkimi i Bordit të RTK-së është kundërshtuar nga opozita. Ata mandje kanë thënë se janë bërë shkelje procedurale gjatë shkarkimit të anëtarëve të këtij bordi.