Gjuajtja me armë mes dy biznesmenëve në Mitrovicë, policia jep detaje

Një rast i të shtënave me armë zjarri ka ndodhur në Mitrovicë në rrugën “Dëshmorët e Kombit” rreth orës 22:00.

Nga ky rast nuk raportohet për të lënduar.

Kështu bëri të ditur Avni Zahiti, zëdhënës i policisë për rajonin e Mitrovicës.

Zahiti tha se si provë është konfiskuar një gëzhojë.

“Sonte rreth orës 22:00, është raportuar se në rrugën “Dëshmorët e Kombit” në Mitrovicë, ishin dëgjuar të shtëna, njësitet policore kanë dalë në vendin e ngjarjes, ku në cilësi të provës materiale kanë gjetur një gëzhojë. Nga informacionet e deritanishme nuk raportohet për të lënduar”.