Gjermania planifikon zgjerimin urgjent të bunkerëve, paralajmëron sulm nga Rusia brenda 4 vitesh

Gjermania po harton plane për të zgjeruar rrjetin e saj të bunkerëve dhe strehimoreve të papërshkueshme nga bombat, për t’u përgatitur ndaj një sulmi të mundshëm nga Rusia brenda katër viteve të ardhshme.

Ralph Tiesler, kreu i Zyrës Federale të Mbrojtjes Civile, tha se vendi duhet të ndërmarrë masa urgjente, pasi aktualisht nuk është i përgatitur mjaftueshëm për një konflikt të tillë.

Tiesler theksoi nevojën për shndërrimin e tuneleve, stacioneve të metrosë dhe bodrumeve në strehimore që mund të mbrojnë deri në 1 milion njerëz. Aktualisht, nga 2,000 bunkerë ekzistues, vetëm 580 janë në gjendje pune dhe mund të strehojnë vetëm rreth 480,000 persona – një përqindje e vogël e popullsisë gjermane.

Zyrtari paralajmëroi se ndërtimi i objekteve të reja do të kërkojë kohë dhe fonde të mëdha, ndaj është urgjente rivlerësimi dhe rinovimi i strukturave ekzistuese. Gjermania po përjeton një rritje të shqetësimeve pas agresionit rus në Ukrainë, duke e detyruar vendin të rishikojë strategjitë e mbrojtjes civile.