Gjermania: Arritja e marrëveshjes me Serbinë esenciale për Kosovën

Dita e sotme ka qenë e  mbushur me reagime lidhur me impaktin e takimit të Ohrit  në rrugëtimin e Kosovës.

Midis tjerëve mbi takimin është prononcuar edhe Ambasadori i Gjermanisë në Kosovë Jorn Rohde transmeton GazetaDemos.

Ai ka thënë se arritja e marrëveshjes për implementimin e Planit evropian me Serbinë është esenciale për Kosovën në ecjen e rrugës drejt Bashkimit Evropian.

Sipas tij plani franko-gjerman e ka mbështetjen e plotë edhe të Parlamentit Evropian.

“Gjithashtu mbështetje e plotë për propozimin e BE-së nga Parlamenti Evropian.!Marrëveshja për zbatimin e aneksit nga Kosova dhe Serbia më 18 mars në Ohër është thelbësore për të ecur përpara në rrugën evropiane”, tha Rohde.

Më 18 mars në Ohër, do të takohen kryeministri i Kosovës Albin Kurti dhe presidenti i Serbisë Aleksandar Vuçiq.

Aty mbetet të shihet nëse do të ketë marrëveshje rreth zbatimit të Propozimit të planit franko-gjerman/Demos/