Gjendet shëndosh e mirë 85 vjeçari nga Gorozhupi i Prizrenit

Është gjetur shëndosh e mirë, 85-vjeçari Nebi Tejeci.

Lajmi u bë i ditur nga Shoqata e Kosovës për Kërkim-Shpëtim.

“Operacioni është realizuar me bashkëpunim të ngushtë ndërinstitucional, ku krahas ekipit të SHKKSH-së, kanë qenë të pranishëm edhe Agjencia për Menaxhimin e Emergjencave (AME) dhe Policia e Kosovës, të cilët kanë dhënë një kontribut të çmuar në realizimin me sukses të këtij misioni”, thuhet në njoftim

Njoftimi i plotë:

Operacion me Sukses

Shoqata e Kosovës për Kërkim-Shpëtim njofton se operacioni i kërkim-shpëtimit në fshatin Gorozhup, Komuna e Prizrenit, ka përfunduar me sukses. Personi i raportuar si i zhdukur, me inicialet N.T, është gjetur i gjallë dhe në gjendje stabile shëndetësore.

Operacioni është realizuar me bashkëpunim të ngushtë ndërinstitucional, ku krahas ekipit të SHKKSH-së, kanë qenë të pranishëm edhe Agjencia për Menaxhimin e Emergjencave (AME) dhe Policia e Kosovës, të cilët kanë dhënë një kontribut të çmuar në realizimin me sukses të këtij misioni.