Gjendet një burrë pa shenja jete në rrugën “Tahir Efendija” në Gjakovë, policia jep detaje

Para më pak se një ore është gjetur një burrë pa shenja jete në rrugën “Tahir Efendija” në Gjakovë, shkruan GazetaDemos.

Demos po përcjell nga afër këtë rast dhe në fotografitë e publikuara shihet se njësitet policore janë në vendin e ngjarjes.

Rasti po ashtu është konfirmuar nga zëdhënësi i Policisë për rajonin e Gjakovës, Sheremet Elezaj.

“Rreth orës 12:30 kemi pranuar informatë se viktima mashkull i moshës madhore është gjetur pa shenja jete në rrugën “Tahir Efendija” në Gjakovë, në një shtëpi ku ishte duke banuar me qera (personeli mjekësor në vendin e ngjarjes ka konstatuar vdekjen). Në vendin e ngjarjes kanë dalë njësitet e nevojshme policore dhe aktualisht janë duke u ndërmarr të gjitha veprimet e nevojshme hetimore. Me vendim të prokurori të shtetit është iniciuar rast “hetim i vdekjes”, ndërsa trupi i pa jetë i viktimës dërgohet në IML”, tha ai.