Gjendet i vdekur një person në Prishtinë, Policia nis hetimet

Një person është gjendur i vdekur në banesën e tij në Prishtinë paraditen e së dielës.

Këtë e ka konfirmuar Policia e Kosovës me anë të raportit 24-orësh.

Siç thuhet në raport, mjeku kujdestar ka konstatuar vdekjen e viktimës.

“Prishtinë / 19.11.2023 – 11:50. Është raportuar për një trup të pajetë në një banesë me ç’rast në vendngjarje kanë dal njësitë relevante ku mjeku kujdestar ka konstatuar vdekjen e viktimës mashkull kosovar”, thuhet në njoftim.

Trupi i viktimës, sipas policisë, është dërguar në Institutin e Mjekësisë Ligjore për obduksion.