Gërvalla: Serbia të ekstradojë kriminelët dhe të dhënat për personat e zhdukur

Ministrja e Punëve të Jashtme dhe Diasporës, Donika Gërvalla, ka thënë se Kosova respekton të drejtat e njeriut, sipas standardeve që përcaktohen nga mekanizmat ndërkombëtarë.

Në një postim në platformën X, në nder të Ditës Ndërkombëtare për të Drejtat e Njeriut, ajo ka kërkuar nga Serbia që të respektojë Deklaratën Universale të të Drejtave të Njeriut të Kombeve të Bashkuara.

“Dita Ndërkombëtare e të Drejtave të Njeriut: Kosova garanton standardet më të larta të të drejtave të njeriut, siç është konfirmuar nga BE-ja, OSBE-ja dhe organizata të tjera”.

“Kërkojmë nga Serbia të respektojë, Deklaratën Universale të të Drejtave të Njeriut të Kombeve të Bashkuara dhe të ekstradojë kriminelët dhe të dhënat për personat e zhdukur”, ka thënë Gërvalla.

International Day of Human Rights: 🇽🇰 guarantees highest human rights standards, as confirmed by 🇪🇺 OSCE and other organizations. We request from Serbia to honor the 🇺🇳 Universal Declaration of Human Rights and extradite the criminals and data about missing persons.

— Donika Gërvalla-Schwarz (@gervallaschwarz) December 10, 2024